(चाल : राजहंस माझा निजला..)

ऐकता स्वस्थ तरि काय, नाहि का हृदय तुम्हाला ?।।धृo॥

म्हणविता मराठे आम्ही, शिवछत्रपती- वंशाला ।

पाहिला मार्ग का त्यांचा, वाचले काय चरिताला ?

(अंतरा) परधर्म भयानक होता ।

मावळा कडकड़े चित्ता ।

सोडुनी घराची सत्ता ।

धावुनी मिळति शिवबाला, राखण्या धर्म हा अपुला ।।१।।

गर्जती मराठे सगळे शिव हर हर निर्मळ वाणी ।

घेउनी कट्यारी हाती, पाहती शत्रुचे पाणी ।

प्राणापरि जपती आज्ञा, करुनिया संघ निर्वाणी ।

फोडती हाक जोरांची ।

धडधडे छाति चोरांची ।

अति वीर थोरथोरांची ।

तो काळ पुण्यमय गेला, राखण्या धर्म हा अपुला ।।२।।

गुरु रामदास लाभावे, भाग्याने त्या समयासी ।

सत्या -मंत्र देउनि लोकां, सोसवी कष्ट सायासी ।

जागजागि धावुनि गेले, उठविण्या वीर तरुणांसी।

प्रार्थुनी   प्रभू   रामासी ।

आशीर्वच दे शिवबासी ।