तुझ्या ध्यानात मन हे रंगलं
(चालः कमरेला कमरपट्टा..)
तुझ्या ध्यानात मन हे रंगलं ।
चित्त विषयापासुनिया भंगलं ।।धृ०।।
होत जीवनात केल जे पाप ।
आला त्याचा आता संताप ।
साय्रा व्यसनांच डोंगर खंगलं । चित्त 0॥१।।
तुझ्या दरबारी झुकता शीर ।
गेल नासोनि अज्ञान-तिमिर ।
स्वच्छ झाल हृदय, होत जंगलं । चित्त 0 ॥२॥
डोळा पडता तुझे हे चरण ।
झाल बेभान मन उन्मन ।
जीवाशिवाचं प्रेम हे जमलं । चित्त 0 ।।३।।
आता आलो मूळ स्थानासी ।
गुरुदेवानं दाखविली काशी ।
हणे तुकड्या कोडं उमगलं । चित्त 0 ||४॥
-नागपूर, दि. २७-०३-१९५७