(चाल : राजहंस माझा निजला...)

अवकळा अशी का आली, भारता ! तुझ्या देहाला ? ।।धृ0।।

किति धनिक तुझे कुल होते,तुज भानचि याचे नव्हते ।

ही विघ्ने कुठुनी आली, भारता ! तुझ्या  देहाला? ।।१।।

तव गोत क्रषींनी भरले, क्षत्रिये द्वार रक्षीले ।

का अघटित चिंता व्याली,भारता ! तुझ्या देहाला?।२।।

अति कलावान तव स्नेही, ज्या पहातचि परके राही ।

भिक्षेचि वेळ  ही  आली, भारता ! तुझ्या  देहाला?।।३।।

या एकचि कारण झाले, तव घरी ऐक्य ना उरले ।

घरभेदी दिवटी व्याली, भारता ! तुझ्या  देहाला? ।।४।।

तुकड्याची भोळी वाणी, घेशिल का थोडी कानी? 

तू दुजा भीक ना  घाली, भारता ! तुझ्या  देहाला?।।५।।