(चाल : तुम्हारे पूजनको भगवान...)

गडे हो ! वेळ अशी गमवाल,शेवटी चौर्यांशी भोगाल ।। धृ0।।

दुनिया दिसते रंग-रंगीली,जीव-जिवांनी छान छबीली ।

व्यर्थचि पाहुनिया  भाळाल । शेवटी0।।१।।

ज्वानी अंगी काढी जोर, पळती जसे काननी ढोर ।

त्यापरि कोंडवाडिया जाल । शेवटी0।।२।।

जैसे करणे तेसे भरणे? न चुके कोणाच्या देवाने? ।

वाजविल अंती यम तो गाल । शेवटी0।।३।।

तुकड्यादास म्हणे त्या कामा, सोडुनि भजा हरी घनश्यामा !

नाही तरी   कुणाचे  न्याल ? । शेवटी0।।४।।