(चाल: उठा गड्या ! अरुणोदय झाला...

ज्वानी प्रभुने दिली म्हणोनी, अबला दु:खी करू नको ।

जे जे करशिल ते ते भरशिल या वचनाला विसरु नको ।।धृ0।।

अन्न फुकाचे मिळे म्हणोनी, पोट फुगेवर  जेवु  नको ।

अभिमानाच्या भरी येउनी,असूनि उपाशी राह नको ।।१।।

श्रीमंताचा बाळ म्हणोनी, अष्ट प्रहरवरि झोपु नको ।

देवाने दिधला पैसा जरि, व्यभिचाराने फेकु  नक्की ।।२।।

ज्या संगाने दुर्गुण वाढे, संग अशाचा   धरु  नक्को ।

तुकड्यादास म्हणे कीर्तीविण, नरदेही या मरू नको ।।३।।