(चाल : या प्रिय भारताचा...)

समुदाय प्रार्थने  ची  किती  गोड  ही   प्रणाली ।

लाभो जनास सकळा, किती गोड ही प्रणाली ।।धृ0।।

रांगेत बैसवोनी, अति शांतता करोनी ।

गंभीर गाति   सारे, किती  गोड  ही   प्रणाली ।।१।।

सर्वास वस्त्र खादी, डोक्यात टोपी भगवी ।

नमताति सर्व मिळुनी, किती गोड ही प्रणाली ।।२।।

सर्वांस वाव येथे, कुणि उचं नीचं नाही ।

अणि पंथ भेद नाही, किती  गोड  ही  प्रणाली ।।३।।

वेळेवरीच   यावे, अति   संघटोनी   जावे ।

तत्वास या  बघावे, किती   गोड  ही   प्रणाली ।।४।।

जगतात वाद जे जे, मिटवोनी सर्वही ते ।

माणूसकीस   दावी, किति  गोड  ही   प्रणाली ।।५।।

दु:खी कुणी नसावा, पापी कुणी नसावा ।

तुकड्या म्हणे सुखाची,किति गोड ही प्रणाली ।।६।।