(चाल: लागला रंग भजनाचा...)

ही शान उंच कपड्याची, जाहली कूच-कामाची ।।धृ0।।

अंगास सुगंधी असे । अन्‌ पाकिट खाली असे

ना  साथ   मिळे   कोणाची ।।१।।

गावात रिकामा फिरे । अन्‌ शौकासाठी झुरे ।

ना इज्जत घरि बसण्याची ।।२।।

कामाची लाज वाटते । नोकरी म्हणुनि पाहते ।

ती   मिळे  बूट   पुसण्याची ।।३।।

मोटारीस ललचावला । पायीच पेच लागला ।

आली वेळ प्राण देण्याची ।।४।।

अरे ! समज समज अंतरी । शेतीत पिकवि बाजरी ।

घे हाती  पास   वखराची ।।५।।

दुनियाच बदलली अशी । आपणास लाज मग कशी ।

कानी घे हाक तुकड्याची।।६।।