(चाल: डोळे मोडित राधा चाले...)

जसा नाम मुखाने गासी रे !

तसा सुधर गड्या ! आपणासी ! ।।धृ0।।

जसा टिळा लाविसी भाळी, तशी सोड ही व्यसने सगळी ।

दुसऱ्या जे व्हावा म्हणसी, तसा सुधर गड्या ! ।।१।।

माळ गळा जैसी तुळसीची, आस नको मग कधी परस्त्रीची ।

तू जसा साधू सहवासी, तसा सुधर गड्या ! ।।२।।

तू देवाचे मंदिरी जावे, हरिजन तैसे का नच यावे । 

तू जसा सुखाचा होसी, तसा सुधर गड्या !  ।।३।।

दुर्गण सगळे जरी तुज व्हावे, का मग देवासी डुबवावे ?

ही लाज वाटते जैसी, तसा   सुधर   गड्या ! ।।४।।

तुकड्या म्हणे जैसी वाच्या,होई तसा उध्दारहि साचा।

हे नाही चुकत कुणासी, तसा सुधर  गड्या ! ।।५।।

                                 घुडनखापा, दि. १२-0९-१९५९