(चाल : डोळे मोडित राधा चाले...)

खाण्या -पिण्यातं मन कसं धसलं हो !

हरी भजनात का नाही बसलं  हो ! ।।धृ0।।

पाहता विषयाचा संग,कसा चढतोसि रंग !

साधु - संगात जायास रुसलं हो,

आणि    चांडाळ    टोळीत   फसल ! ।।१।।

जरा नाही सेवा, घडी - घडी हेवा !

लोभी-लबाडी करूनी जगलं हो,

चोरि    चहाडिन    मुळात   खंगलं ! ।।२।।

वाटे कष्टाची लाज, पाहिजे शोभेचा साज !

धड बोलेना कोणाशी चांगल हो !

सार   आपुल्याच     होशीत    रंगलं ।।३।।

वाहवारे मना ! जरा ऐकुन घेना !

तुकड्या म्हणे हे करु नको नसलं हो,

जे  जनास      वाईट           दिसल ! ।।४।।

           - चोपडा ते अम्बुनी प्रवास, दि.२७-०३-१९५९