(चाल: लाजली सीता स्वयंवराला...)

करिता भेद असा का सगळा ? ?

बोलला भारत दाटुनी   गळा ।।धृ0।।

सर्वचि माझी    भावंडे   ही ।

परस्परांच्या कामी सगळी ।।

नीच-ऊच मग का समजोनी -

दुखविता मन सारे सळसळा ? बोलला0।।१।।

जरि भाषा ही भिन्न बोलली ।।

तरि का हृदये जावी खळली ? ?

वस्तू जोवरि एकचि असते ।

तोवर प्रेमासी    का    चळा ? बोलला 0 ।।२।।

उद्योगास्तव जाति समजल्या ।

मानवतेसाठी   नच    उठल्या ! ।।

तुकड्यादास म्हणे, राष्ट्रियता -

एकता मार्ग   न  हो   पांगळा ! बोलला 0।।३।।

                                        -चिमुर, दि. 0३-११-१९६१