(चाल: मुकुंदा रुसु नको इतुका...)

गायका ! म्हण गाणे अपुले ! !

मोकळे शब्द उमटू दे  खुले  ।।धृ0।।

अर्थ अगोदर तुलाच कळू दे, मन तन्मय तेणे उसळू दे।

रंगुनि जाई स्वर-तालाने, डोलू दे जशी बहरली फुले ।।१।।

विसरुनि जाई देह-भावना, अन्य न येवो खुळ्या कल्पना । 

निश्चयि निर्भय शब्द प्रवाहे, निघू दे बीज उन्नत रुतले ।।२।।

एरव्हि गाणे म्हणा कशाला ? रडणे तरि जन न म्हणो बोला ।

तुकड्यादासा सद्गुरुचा वर, घेउनी कार्य करी उरले ! ।।३।।

                         -गुरुकुज आश्रम, दि. 0६-११-१९६१