_ (चाल: काय सांगू त्या देवाची घात...)

कोणा सांगावी कर्म कहाणी? देवा वाचूनि ऐकेना कोणी,

हो संतावाचूनि ऐकेना कोणी।।धृ0।।

मजुरीचे पुरेना धन, त्याला खाणारे आहे चार- दोन ।

कैसे द्यावे मुलां शिक्षण ? घरी रडतात केविलवाणी । देवा0 ।।१।।

घरी संख्या काही थांबेना,होती वर्षाचे एक-दोन पुन्हा ।

संसाराची झाली यातना, आता बुध्दि  द्यावी   देवांनी । देवा0 ।।२।कृ।

झोपडीची मोडली दारे, कुत्री मांजरी घाण करि सारे ।

काय आवरावे आवरणारे? गावगुंड करिति मनमानी । देवा0 ।।३।।

नाही गावात सत्तेचे घर, नाही    शेती   बरी   एकर ।

कैसी पुरेल सांगा भाकर ? झाला जिवाजी वेड्यावाणी। देवा0।।४।।

वाटे तिर्थास निघुनि जावे,विहिरी गंगेत प्राण त्यजावे ।

नाहीतरी काय साधावे ? काही दिसेना या डोळ्यांनी । देवा0।।५।।

श्रीमंत गावचे   भले, ते    अपुल्याच     हौसेत     मेले ।

ना जरा साह्य कधी झाले, जरि मरेल कुणि रस्त्यांनी । देवा0।।६।।

जगदीशा ! तुला   प्रार्थना, घे   घे   रे ! करुणा   मना ।

तुकड्या म्हणे अशि ही दैना, पाहिली अम्हि डोळ्यांनी ।।देवा0।।७।।

                                - नांदेड-रेल्वे, दि. १८-0१-१९५५