(चाल : हे दीन दयाघन करुणासागर सुनिये..)

मनी बोधवितो, सुख शोधवितो । ध्वनी मंजुळ गुरुदेवाचा ।

घे ठाव अखिल हृदयाचा ।।धृ0।।

निर्मल ही प्रार्थना-अर्थना । होत जीवा सुखदायी ।

अनेक देवा एक करोनी । भ्रम हा नाशी मनाचा ।। घे ठाव0।।१।।

समुदायाला स्थीर करोनी । चित्त  मोहवी  त्यांचे ।

पतंग जैसा ज्योति झडप घे । दिसे भाव जनतेचा ।। घे ठाव0।।२।।

एक स्वराने गाती-नमविती, शीर नप्र-भावाने ।

वाटे भू-वैकुंठ योजिले । स्वर्ग गमे जीवनाचा ।। घे ठाव0।।३।।

सर्व अम्ही सर्वांकरिता ही । ज्ञानज्योति दे हाती ।

तुकड्यादास म्हणे मी रंगलो । घेऊनी पाठ तयाचा।। घे ठाव0।।४।।