(चाल: मै एक छोटासा बच्चा हूँ...)

अमुच्या हृदयाला आवडले, गुरुकुंजाचे स्थान

रमे जीवभाव गड्या ।।धृ0।।

भाव भक्तिने प्रात:काळी, सर्व मंडळी येती ।

दुमदुमले प्रार्थना स्थान हे, ब्राह्म मुहूर्त प्रभाती ।

घंटा मंजुळ नादे घुमतो, पक्षि करिती गुण-गान ।। रमे 0।।१।।

मधुर स्वराने गाती जन हे, लावुनि   स्वर   करताळी ।

गुरू-स्मरणाच्या स्मरण-चिंतनी, डुलते डाळी -डाळी ।

नांदे शांति मिळे, प्रेमही ते, इथे लाविता ध्यान ।। रमे 0।।२।।

सायंकाळी लखलखाट हा, निरांजनी  दिपकाचा ।

समुदायाने करिति प्रार्थना, विकास जिव भावाचा । 

रांगा सुंदर त्या, दिसताती, गूंजे सुमधुर गान रमे 0।।३।।

महाद्वारि    हरिपाठ   तुकोबा - ज्ञानोबाचा   गाती ।

तूकड्यादास ग्हणे नरनारी, तल्लिन होउनि जाती ।

या हो ! या सगळे,अनुभव घ्या,चुकवा दोष महान ।।रमे 0।।४।।

                                                      - सन १९६८