(चाल : किस देवताने आज...)

सुख व्हावया परस्परास धर्म बोलिला ।

कधि ना पडो कुणा उपास, धर्म बोलिला ।।धृ0।।

एक सुखी, एक दुखी विषमता अशी ।

समाज-दोष हा बघुनी, ये कुणा खुशी ?

हे सहम होईना प्रभूसी, धर्म बोलिला ।।१।।

सर्व मिळूनी सकळांना साह्य देउनी ।

जिवनोन्नती व्हावयास झटा समजुनी ।

दुर्व्यसना हटविण्यास   धर्म  बोलिला ।।२।।

सत्य सदा वदनि वदा, स्मरुनि ईश्वरा ।

साह्य करा सकळिकास, करुनिया त्वरा ।

तुकड्या म्हणे व्हा उदास, धर्म बोलिला।।३।।

                                         -मुंबई, दि. 0१-0८-१९५३