(चाल: असार जिवित केवळ माया...)

स्वतंत्र झाला देश तुझा तू, वीर शिपायी देशाचा ।

अक्षरशत्रू राहू नको बघ, पाठ घेई  साक्षरतेचा ।।धृ0।।

समाज-शिक्षण घेऊनि सगळे,भारत हा उन्नत बनवी ।

शेतकरी तू, कामकरी तू,तुझ्या वैभवाला मिळवी ।।१।।

तुझे गाव नन्द्नवन करुनी, वैभव सारे प्राप्त करी ।

मानवधर्म जगाला तारी हीच   याद राहू  दे   पुरी ।।२।।

राष्ट्रपिता गांधीजी अपुले,वचना त्यांच्या पूर्ण करी ।

कलापूर्ण संसार तुझा कर, मागु नको ही माधुकरी ।।३।।

गेले ते बहु दिवस दुःखाचे, पुढे नको ती वेळ  अता ।

तुकड्यादास म्हणे सावध हो,वाढवि बल अणि बुध्दिमता ।।४।।