(चाल: अवताराचे कार्य कराया...)

शेतकऱ्यांनो ! कामकऱ्यांनो ! समाजशिक्षण घेऊ चला ।।धृ0।।

आजवरी दुसऱ्याने केले, राज्य अपुल्या देशाचे ।

स्वतंत्र झाला भारत अपुला, निरोप सकळा देऊ चला ।।१।।

निरक्षराला साक्षर करुनी, देशाचे कल्याण करू ।

सौंदर्याने नटवू खेडी, उत्तम   राहणी   सेवु  चला ।।२।।

बसणे उठणे टापटिपीचे, तसेच सुंदर घर  बनवू ।

समुदायाने करुनि प्रार्थना, निर्मत्सर मनि होउ चला ।।३।।

भेद्-भाव हा जातिपातिचा, विसरुनि जाऊ या पुढती ।

मानवधर्मा स्थापन करुनी, न्यायनीति वाढवू चला ।।४।।

तुकड्यादास म्हणे घ्या कानी,सुंदर वेळ दिसे पुढची ।

देशासाठी बनू शिपायी, भूषण सगळे लेवू  चला ।।५।।