(चाल: कुणि कृष्ण पाहिला का माझा...)

सावध हो चल शेतकऱ्या रे !

आळस धरुनी बसला   का? ।।धू0।।

देश तुझा हा स्वतंत्र झाला,

तुझाच तू राजा इथला ।

देशासाठी होई शिपायी, लोभासाठी रुसला का ?।।१।।

जातपात ही सार बाजुला;

म्हण मी  हिंदी    वीरगडी

पंथसंप्रदायांचा फासा,सोड सोड रे  फसला का ?।।२।।

भारतभूमी   गोपालांची,

मुळ रहिवासी तू इथला ।

उघड नेत्र राष्ट्राच्याकरिता,ये समोर तू फसला का?।।३।।

तुकड्यादास म्हणे ही संधी,

खोव॒ नको भोळ्या   सुजना !

गांधीजीचे व्रत घे आता, गटागटांतुनि धसला का?।।४।।