(चाल: भारत माझा स्वतंत्र झाला...)

झरझर झरझर या पुढती या । गर्जत गर्जत सांगु जगा या ।

स्वतंत्र झाला भारत सखया ! या धावुनिया साभाळाया ।।धृ0।।

वीर तरुणहो ! ऐका ऐका । एक   करोनी  रावा - रंका ।

सरळ चालवू अपुली नौका । या धावुनिया साभाळाया 0 ।।१।।

जातियता ही धाडु लयाला । पंथावरती घालुनि घाला ।

करु शिपायी ह्या सगळ्याला । या धावुनिया सांभाळाया 0 ।।२।।

एकचि पंथ करुया मोठा । देश सुखी हो   चारी   वाटा ।

उपटनि काढू असेल काटा । या धावुनिया सांभाळाया 0।।३।।

सद्धर्माची जागवु ज्योति । जिवा-जिवांतुनि वाढवु नीति 

करू सोने जरि असेल माती । या धावुनिया सांभाळाया 0।।४।।

तुकड्यादास म्हणे देशाला । फळाफुलांनी सुखवू त्याला ।

स्वातंत्र्याच्या उभवु ध्वजाला । या धावुनिया सांभाळाया 0।।५।।