(चाल; हमारा प्यारा हिंदुस्थान...)

अमुचा देश सुखाची खाण । यासी यश देवो भगवान ।।धृ0।।

धनधान्याने हो भरपुर हा । गोवंशाने हो सुंदर हा ।

वाढो शेति शक्ति खदान । यासी यश 0।।१।।

वीर तरुण हो सर्व शिपायी । तत्पर देशासाठि सदाही 

रक्षो राष्ट्रपित्याचे   दान । यासी यश 0 ।।२।।

राष्ट्रध्वज हा प्रीय तिरंगा । अखंड राही जैसी गंगा ।

वाढो सत्य-अहिंसा   मान । यासी यश 0।।३।।

हिंदराष्ट्र हे अखंड नांदो । अखिल विश्वही यासचि वंदो

सगळ्या धर्माचा जिवप्राण । यासी यश0।।४।।

जातीभेद मिटो हा सारा । मानवतेने हो अति प्यारा ।

तुकड्यादास करी गुणगान । यासी यश0।।५।।