(चाल: भूमिदानाचं वेड कसं लागल !...)

भूमिदानाला देवोनि चालना, करु खेड्याची मिळोनी रचना ।।धृ0।।

ब्राह्मण-कुणबी कुठला, महार-चांभार कुठला, मानवधर्म अपुला ।

एक होवोनि पाळू या वचना ।। भूमि 0।।१।।

सारे कष्ट करु, हाती टिकास धरु, वाचे देवा स्मरु ।

राव-रंकांचा भेद नाही ठेवुना ।।भूमि0।।२।। 

आपण लोहार-सुतार, शिंपी-कुंभार-बेलदार, भंगी -वैद्य-वडार ।

अमुच्या गावात भिकारि राहिना ।। भूमि0।।३।।

मिटवू झगडा गावात, नाहि सरकारी बात,आमुचा न्याय आमच्यात ।

कोणि दुर्गृण राही-मजाल ना ! ।।भूमि 0।।४।।

आम्हि रस्ते सुधरु, विहिरि-संडास करू, रात्री जागली फिरू ।

करु गाबात समुदाय प्रार्थना ।। भूपि0 ।।५।।

युवका देऊ व्यायाम, सर्वा शिकवू हे काम, वाढवू गावाचे नाम ।

तुकड्या म्हणे होऊनि खुशालना।। भूमि 0।।६।।

                                      पंढरपुर, दि. २४-0७-१९५३