व्हा सावधान लोकहो ! उभारूनि बाहो,

देशाचे भवितव्य   ठरणार ।

पुढारीं दारोदारी फिरणार ।

तुम्हि मतदान कुणा करणार हो, जी0।।धृ0।।

कवणाच्या धाकदडपणे अथवा लोभाने,

पैशाने  भाळून   का    जाणार ?

जातिंचा म्हणून बळी पडणार ?

सांगा तर काय काय करणार ?

आज भुलूनि का उद्या रडणार ? हो, जी0।।१।।

लोकात पक्ष निर्मुमी, भेद पाडुनी,

गावा-गावांत भोग शिरणार ।

शेतकरी - मजूरची मरणार ।

पुढारी   आशीर्वाद    देणार ।

तुम्ही नाहि का हे ओळखणार? हो, जी0।।२।।

तम्ही हक्कदार येथेचे, लोक कोणचे-

भले आणि गुंड तुम्हा कळणार ।

समजुनी कराल  ना   व्यवहार ?

भूल-थापात, नाहि फसणार ।

असा मनि धराल का निर्धार ! हो, जी0।।३।।

नाही पक्ष माझियापुढे, खडे रोकडे,

बोल हे तुम्हापुढे धरणार ।

फजीती नाही पुढे होणार ।

असे सतशील लोक चुनणार,

तरिच रामराज्य तुम्ही करणार ! हो, जी0।।४।।

घ्या पुसा स्वत: हृद्यासी कोण गावासी

चालविल न्याय-तोल धरूनी?

आजवरि केले काय   त्यांनी ?

भल्यासचि द्या मत उचलोनी,

दान   द्या    सत्पात्रा    बघुनी ! हो,   जी0।।७।।

बहू मोलाच हे मतदान, सोडूनी भान,

देउ नका दारू पिणाऱ्यासी । 

लांचखाऊ चोरबाजाऱ्यासी ।

अन्यायी   गुंड   दंडेल्यासी ।

कराल  देशाची   सत्यानाशी ! हो, जी0।।६।।

धुंदीत जाउनी कुणी, मते देऊनी,

पश्चातापास प्राप्त होणार ।

करू नका तसा कुणी व्यवहार ।

असो मग प्रजा किंवा सरकार ।

कानि घ्या तुकड्याची पुकार ! हो, जी0।।७।।