(चाल: पतीतपावन नाम..)

गुरुकृपा व्हावया मार्ग मज दावियला   गुरुनी ।

सत्कृत्याविण राहु नको मज सांगितले  त्यांनी ॥धृ०l।

स्त्री-लंपट पुरुषाचे मुखही, पाहु नको डोळा ।

सत्कर्माविण म्हणे रिति कधी, खोउ नको वेळा ॥१॥

ब्रह्मचर्य साधुनी रहावे, निश्चय   धरि   हाची ।

म्हणे, दीनदुबळे दुःखीजन सेवा   कर   त्यांची ॥२॥

नीतीने धन जोड म्हणे, कर सेवा राष्ट्राची ।

मान-पान सोड रे ! म्हणे, हर भाव  नीच  उंची ॥३॥

उपकाराविण जाऊ नये क्षण मंत्र दिला त्यांनी ।

तुकड्यादास म्हणे या मार्गा, विसरु नये कोणी ॥४॥