(चाल: क्यों नहीं देते हो दर्शन..)

काय हे सजवीति बंड, ज्ञान लोका सांगण्यासी ? ।।धृ०।।

फार वाचोनी पुराणे, जगति   झालेती   शहाणे ।

अनुभवाला कोण जाणे ? आत त्यांची वृत्ति कैसी ।।१॥

धर्म माझाची खरा हो ! म्हणुनि याला या धरा हो ! ।

सांगण्यास कृत्य ना हो, अंति जातिल क्रूर  फासी ।।२॥

वादवादा करुनि चोख, चढुनि गर्वा मानि तोख ।

ना कुणाचा ठेवि धाक, बोलि वदती  शूक   जैसी ।।३।l

विजयपत्रे घेउनीया, खूश होती, मानि    राया ।

अन्य त्याविण का उपाया ? तुकड्या म्हणे त्या अज्ञवासी ।।४।।