(चाल: लागी प्रभू ! तव छंद...)

करुणा करि, श्री स्वामी दत्ता ! करुणा करि ।।धृo॥

दंड - कमंडलु, पायि खडावा ।

रुद्राक्षमाला, टिळकहि बरवा !

निरंजन प्रभु तू जगत्राता । करूणा  करि ॥१।।

त्रिविधहि तापे त्रस्तचि झालो !

कामक्रोधे बहु मी   पिडलो ।

येई अत्रि - सुता रे ! आता । करुणा करि ।।२।।

गो - श्वानांचा मेळा  जमवुनि ।

काखे झोळी, शंखहि रमवुनि ।

त्रिशुल-चक्र घेउनिया हाता। करुणा करि ।।३॥

वर्णु काय गुण ? वेदहि शिणले ।

सहा-अठरा जण यांची न चाले ।

तुकड्यादासा घे निज हाता । करुणा करि ।।४॥