(चाल: सकळ कळे हे का न कळे.)

घे आजचि साधन बा !   करुनी ॥धृ०॥

आत्मज्ञानाविण ते काही । सर्वचि साधन लटके पाही ॥

लोळ लोळ रे !   गुरु - चरणी ।l१।।

जो नर प्रथमचि श्रध्दा ठेवी । गुरु वाक्यहि विश्वासे सेवी,

होईल       तो     आत्मज्ञानी ।।२॥

सोपे सांडुनि का फिरसी वन ? लक्ष्यालक्ष्यी ठेवी रे ! मन ।I

जा  गुरुपासुनि    घे    पुसुनी ॥३॥

बहु संताची अनेकहि मते । खोटे नसती रे खचितचि ते ।।

राजयोग    हा    मानि    मनी ॥४॥

तुकड्या बोले ऐक सत्य तू । खरा न्याय हा, गुरु-शिष्य तू ॥

ॐ तत्सत् ते.   पाहि     मनी  ॥५॥