(चाल: कसा निभवशी काळ..)

गुरु-कृपा ती होइल कैसी ? सांगा मज कोणी ।

काय करावे साधन त्यासी ? चुकली मन-वाणी ।।धृ०।।

देव भजू की गुरु स्मरावा ? न कळे मज काही ।

शास्त्र - मतांतर भिन्नपणाने, देती नित   ग्वाही ।।१ ।।

एकाहुनिया एक श्रेष्ठपण, दावि जनामाजी ।

काहि सुचेना काय करावे, सुखसाधन आजी ? ।।२।।

सत्संगतिचा लाभ मिळाया, फिरतो जिव माझा ।

पड् रिपु - पर्वत आड येउनी, भुलवी  गुरुराजा |।३।।

तुकड्यादासा ज्ञानांजलिचे, पाजी पद -पाणी ।

हेचि मागणे त्रिवार कथितो स्मरो स्मरण  वाणी ।।४।।