( चाल : चंदा जा चंदा जा रे जा . . )

कितीदा करु प्रार्थना ? कितीदा करू प्रार्थना ? 

मन पळे रानोरानी आवरेना साधनांनी , 

म्हणुनि        ही      आराधना ॥धृ०॥ 

जिवनाचे क्षण फुकटचि जावे । 

मग अंती कोणास बघावे ? 

निराश्रितापरि व्यर्थ मरावे । 

ब्रीद तुझे हे का समजावे ? 

कोण चुकवी यम-यातना ? आलो तव चरणा ॥१॥

दोष अम्हावर का मग    द्यावा ? 

अज्ञ जीव  फिरुनीहि म्हणावा ? 

तुझ्या कृपेचा वरद नसावा । 

कोणा कुणी हा न्याय म्हणावा ? 

चुकले  तरी   चुकेना , आलो     तव    चरणा ॥२॥ 

भवदुःखाचा पाश नको हा । 

जड देहाचा ध्यास नको हा ।। 

मन विषयाचा दास नको हा । 

आयुष्याचा नाश नको हा ।। 

दास तुकड्याची याचना , घ्याना करुणाघना ! ॥३॥