(चाल: रमला कुठे ग कान्हा..)

गमला मला हरि आला, आलासे भारतभूला ।।धृ०॥

नववृत्ती तरुणा आली, देशाची चिंता पडली ।

देताती    प्राण   पणाला ।। आला0।।१।।

फिरती नेत्यांच्या झुंडी, वाजविली राष्ट्री कंडी ।

आली, देशाची चिंता पडली ।

जागा हा   हिंदू  झाला ।। आला 0 ।।२।।

जातीपाती दुर झाल्या, संघटनेकरिता जमल्या ।

वाटे     सुदिन     उदेला ।। आला0 ॥३।।

नवरक्त उसळले लोकी, गर्जविती जन हे हाकी ।

मिळवू या निज हक्काला।।आला 0।|४।।

अति दुर्बलता ही गेली, निर्भय वृत्ती सरसरली ।

कर  लागला   विजयाला।। आला0।।५।।

तुकड्या म्हणे वाढो एकी, जनता होउनि निःशंकी ।

प्रभु देवो   आत्मबलाला ।। आला0।।६।।