(चाल: सदा तुझ्या चिंतनी रमावे..)

का छळिसी मज अभक्त म्हणूनी तुझा रामराया  !

दया न करिशिल तर मग सर्वहि जाईल हे वाया ॥धृo॥

पतीतपावन नाम तुझे बा ! ऐकूनि मी आलो ।

चरणामृत सेविता सागरी पार न का   झालो  ? ।।१।।

तुझी पाहुनी अगाध लीला मजसि नवल वाटे ।

कसा तारिला वाल्मिक कोळी ? वाटे मज खोटे  ॥२॥

तुझे म्हणविती असंख्य भक्तहि न वर्णवे कोणा |

तुका वाणि शाहणा,  आणिला   पंढरिचा   राणा ॥३॥

काय सांगू भक्ताची करणी ? वैकुंठचि त्याला ।

तारि तारि हा तुकड्या जो भव- पाशी गुरफटला ।।४॥