(चालः बारबार तोहे क्या समझावे..)

घडी-घडी म्हणतो मी तुजला, करनं काही काम ।

कशासाठी बसला ऐसा! आळसा धरोनी! धाम ?

काम नाही तर श्रमदानाने दे दुसर्या आराम ।

बांध कुणाची  तुटकी कुटिया, होउनिया   निष्काम ।।धृ०।।

अभिमानाची लाज सोडुनी, बोल कुणाशी गोड ।

असली तसली वाईट आदत आजपासुनी सोड

शिक्षण घे आवडीने काही, पोटापुरते साध l

पापासाठी राबू नको, ही खूण गाठ घे बांध ।।घडी0 ।|१॥

साधी राहणी देवावाणी, खर्च करी ना वाव ।

वाचव पैसा धर्म कराया, करी आपुले नाव ।

अधिक सांगतो-चोरी जारी, करु नको कोठे ।

सांगे तुकड्यादास तरीच रे ! नाव तुझे मोठे ।।घडी0 ॥२॥