( चाल : बजादे , बजादे तेरी बन्सी . . ) 

चलाना , चलाना अपुल्या देशी चलाना । 

बघाना , बघाना मुळची ज्योति बघाना ॥ध्रु॥

सर्व मानव एकची , मग जाति - पाति कासया ? 

एकची आम्ही , अलग उद्योगी     म्हणाना ॥१॥ 

एक आत्मा , एक ईश्वर , एकची नर - देह हा । 

जाणे एकची मार्गे , मग हे का न म्हणाना ! ॥२॥ 

राज्य हे परकोट अमुचे , आज तरी मानू तसे । 

भारताचे पुत्र तरी ,  आपुल्यासी   म्हणाना ॥३॥ 

समज येता विश्वहि अपुले म्हणाया घेऊया । 

आज तरी हे एवढे ,   अपुल्याशी   गणाना ॥४॥ 

दास तुकड्या सांगतो , ही महानता सोडू नका । 

यातची धर्म सगळा ,   म्हणुनिया   जगाना ॥५॥