( चाल : कैदमें है बुलबुल . . . ) 

कसे करु ध्यान , मन स्थिर जरा राहिना ! 

विचारहि ऐकेना नि आचारहि   साहिना ।।धृ।। 

जरा नेत्र लावतो की , भूत - प्रेत भोवती । 

कोणि भिती दावती नि कोणि मना मोहिती ।। 

सैन्य जसे उभे दिसे वासनेच्या संगती । 

कु - कर्माच्या केल्या सर्व पुढे येती पंगती ।। 

घाबरली वाणि तरी दया तुज येईना ! 

विचारहि ऐकेना नि    आचारहि   साहिना ॥१॥ 

मूर्ति पुढे पाह तरी अंधारी ये सामुरी । 

साधनांची गती सर्व झाली आता बावरी ।। 

लोक काही म्हणो माझी लाज मला नावरी । 

तटस्थता धरुनी तरी झोप ये अंगावरी ।। 

तुकड्यादास म्हणे गुरुदेवा ! पाहि पाहिना ।।२।।