कोण तुझा वाली , कोण करतो सांभाळ ।
( चाल : ओ काली टोपीवाले तेरा नाम तो . . . )
कोण तुझा वाली , कोण करतो सांभाळ ।
कोणा बुध्दी झाली, तुझी चालवाया माळ ॥धृ०॥
कोण तुझा धर्मगुरु सांगतसे ज्ञान ।
कोण तुझा दिक्षा - गुरु शिकवीतो ध्यान ।।
कोणता सद्गुरु, तुझा टाळतसे काळ ।। कोणा0 ।।१ll
कोणाच्या संगतीने शिकला उद्योग ।
कोणी कला - कौशल्याचा लावियला रंग ।।
कोणाच्या भरोसे , सर्व ठेवतसे बळ ।। कोणा0 ।।२।।
कोणत्या देशात तुझा होतसे निर्वाह ।
काय तुझी सेवा त्याला देतसे उत्साह ।।
कोण देतो अन्न - वस्त्र, राहण्यासी चाळ ।। कोणा० ॥३॥
सर्वांची आठवण, हीच वाच पोथी ।
जाग इमानासी सर्व सोडूनी दुर्मति ।।
सांगे तुकड्यादास, जपी अंतरीची माळ ! | | कोणा० ॥४॥ खोपडा , दि . १३ - १० - १९५९