(चाल: ओ काली टोपीवाले तेरा...)

सर्व वस्तू जगामाजी, तुला पाहिजे ते काय ?

होशी कासयाने राजी, तुला पाहिजे ते काय ? ।|धृ०।।

रत्न - जडित हिरे मोती कुठे राहताती । 

पैशासाठी प्राण देण्या कुठे धावताती । । 

कोणी राहती अंदाजी , तुला पाहिजे ते   काय ? ll१।। 

कोणा भोग आवडतो रात्रंदिन सारा । 

कोणी त्याग भावनेने आवरी पसारा । । 

कोणी दोन्हीत नाराजी , तुला पाहिजे ते काय ? ।।२।। 

कोणी देव - भक्ती करी जिवा आलिंगुनी । 

कोणा नको देव - धर्म आणिक इमानी । । 

सांग कशाचा तू मौजी , तुला पाहिजे ते काय ? ll३ll

कोणी कीर्तिसाठी सेवा करी मनोभावे । 

कोणी अरेरावी करी , म्हणे - आम्हा गावे ।। 

म्हणे तुकड्यादास, तुला पाहिजे    ते   काय ? ll४॥ 

खोपडा , दि . १३ - १० - १९५९