(चाल: उठा गड्या ! अरुणोदय..)

जाण स्वप्नसम जग हे सगळे, वेड्या ! अजुनी का भ्रमसी ?

धरुनि सद्गुरु - चरण पार हो, शाश्वत घे रे  !  तरण्यासी ॥धृ0॥

अवचित नरतनु तुला लाधली, वेळ ऐसि का गमवीसी ?

धोतरजोडा     रेशिमकाठी   अंती   कोठे     रे  !  नेशी ? ॥१॥

सुंदर खासा महल तुजला, पाहुनिया तो का रमसी ?

नश्वर भव हा सारा प्राण्या  ! थाट तू कवणा दाखविसी ? ॥२॥

अविनाशी तो अनंत ईश्वर, सदा असुनिया तुजपासी ।

तुकड्यादास नमुनिया बोले, स्वरुपी का नच रत होसी ? ॥३॥