(चाल : दिसतो हरी हा भोळा .. )

घे सत्य भाक रे  ! माझी । फेरि चुके जन्ममरणाची ॥धृ०॥

चौऱ्यांशी भोगित आला ।

जा अजुनिहि शरण गुरुला ।

स्वारि येई    त्वरित    यमाची । फेरि चुके 0 ॥१॥

करि दूरचि विषय-विकारा ।

धरि सोय ज्ञान - गंभीरा !

करि      सेवा    पूर्ण    संतांची I फेरि चुके 0 ॥२॥

धरि ध्यान निरंतर हरिचे I

करि मन एकांती साचे I

प्रभू - गुण    गाउनिया    नाची I फेरि चुके 0 ॥३॥

जग वरचे मिथ्या जाणी I

परमेश्वर सत्यची मानी I

तुकडया म्हणे आण गळयाची I फेरि चुके 0 ॥४॥