(चालः अगर है शौक मिलनेका..)

संतसंगाविना काही नसे मुक्ती तुला पाही ।।धृ०।।

पापपुण्ये करोनिया, लाभली नरतनू सखया !

मोहजाळी भ्रमवि माया, हरीचे  नाम   का   नाही  ? ॥१॥

अशाश्वत जाण माया ती, बहू फसले पुढे फसती ।

पहा हो  !  लक्ष पुरवोनी, कोण   देई   खरी    ग्वाही ।।२॥

करिसि जप-नेम-तप सारे, तीर्थयात्रा फिरोनिया ।

प्रभु वश जोवरी न केला,  भोगिसी    जन्ममरणाही  ॥३॥

अंध दृष्टी मिटे तेव्हा, करिसि सत्संगती जेव्हा ।

तो तुकड्यादास बुडलासे, करा हो  !  पार लवलाही ।।४॥