(चाल: उठा गड्या ! अरुणोदय... )

राम जयाचे हृदयी राहे, त्यास भिती कवणाची हो ?

अशाश्वता टाकुनी दृष्टि घे, सर्व     सत्यस्वरुपाची  हो ! I|धृo॥

पाच विषय ते दूर लोटुनी, निवृत्तिमध्ये राही हो !

काम-क्रोध-मद सर्वहि टाकी, संता शरण तू    जाई  हो ! ॥१॥

नौका तीच तुला तरण्याची, त्वपंद-तत्पद पाही हो !

साधन हेची, गुरुकृपा  घे,   लक्ष्यअलक्ष्यी    राही   हो  ! ।।२॥

अघटित करणी ज्या रामाची, उभाचि भक्तासाठी हो  !

तुकड्याबालक शरण तयाला, आवड चरणी मोठी हो ! ॥३॥