(चाल: चल ऊठ भारता ! आता .. )

असमर्थ जगी तो कोण  ?  ऐसा द्यावा निवडून ॥धृ०।।

कारण की शास्त्र प्रमाण । ना ठाव श्रीहरीवीण ॥

जरि असमर्थचि तो होता । तरि जन्मा कधि नच येता ।।

जरि समर्थ जीव म्हणावा ।

तरि का करि दुःख गोवा  ?

अपरोक्ष असुनिही ठावा ।

का परोक्ष ब्रह्मज्ञान ।  ते घेइ़   सद्गुरुवीण ? ॥१।।

घुंगट घेउनि मायेची ।  बहू दुःख जगी तो भोगी ।।

ना ठेविच दया कुणाची ।  का समर्थ म्हणता रोगी ?

तुकड्या म्हणे ऐका ऐका ।

हा सर्व भ्रांतिचा धोका ।

घ्या अध्यात्माचा झोका ।

अद्वैत सकळही जाण ।  मायेने गेले भुलुन ॥२॥