(चाल: पतीतपावन नाम ऐकुनी..)

करी काहि कर्तव्य गड्या रे  !  उध्दरण्यासाठी ।

धगधग धगधग तपे काळ हा,   तुमच्या  रे  ! पाठी ॥धृo॥

प्रसन्न होउनि दिधली देवे शक्तियुक्ति सारी ।

हात - पाय - डोकेही सुंदर, मग का हो !  भिकारी ? ॥१॥

तुमचेसाठी करुनि बगीच्या ठेवियला देवे ।

पाणी टाकुनि फुल तोडावे, हेहि   का   न   ठावे  ?  ॥२॥

कर्म - कर्म  का ओरडता रे  !  गुरुसी शरण रिघा ।

अजुनि तुम्हा का झोप लागली !  कर्मास्तव   जागा ॥३॥

तुकडयादास म्हणे प्रभूचरणी हाकहि द्या ऐसी ।

बहू श्नमलो मी मायाजाळी,   घ्या    हो  !   पदरासी ॥४॥