श्रीहरि कृपाळू आहे
(चाल: चल ऊठ भारता ! आता..)
श्रीहरि कृपाळू आहे । पाहतो दास लवलाहे ।।धृ०।।
वारिले बहूत हो ! क्रोधी । ना आज कुणाची छाती ।।
ज्या नसे लीनता काही । तो नर व्यर्थचि बा ! जाई ।।१।।
बहू झाले शहाणे आता । ना कुणी शरण रघुनाथा ।।
सोडूनि लीनता खासी । नच धरी अहंकारासी ।।२।।
भक्तांची करणी ऐसी । तव माय दयाळचि तैसी ।।
करिल तो श्रीहरी करुणा I जाळील सर्व पापांना ॥३॥
जरी पडले पर्वत भारे । नामाने जळती सारे ।।
तुकड्या वदतो हो ! साचे । ना बोल आजकालाचे ॥४ll