(चाल : राजहंस माझा निजला..)

वैराग्य कोठवरि राहे ? वनितांची दृष्टि न साहे ॥धृ0॥

कुठवरि जंबुक कल्लोळ ?  ना पंचानन विक्राळ  ||

सागरा उमाळा कोठे ? ऋषि अगस्ति ना जव भेटे ।।

कुठवरी मित्र - संवाद !

जोवरी न मरणस्वाद ।

रणभूमि न घुमवी नाद ।

विश्वास तोवरिच राहे । वनितांर्ची दृष्टी न   साहे ॥१॥

गांजिते दुःख कवणा बा ? ना आत्मप्रकाशी राबा ।।

कुठवरि इंद्रिय तनु गांजी ? ज्ञानप्रभा जोवर वांझी ।।

कुठवरी शिष्य - संवाद  ? ना स्थिती विदेही साध्य ।।

काधि भेटे पांडुरंग ?

मनि झाला हो !  सत्संग ।

चढला भक्तीचा रंग ।

मग वृत्ति मोकळी वाहे । वनितांची दृष्टि न साहे ।।२॥

कर-लेक बंधन केव्हा ?  हे जग मायेचा पोहा ।।

कुठवर ह्या महाल माङ्या ? जोवरि ग्रह-फेरा न गङ्या !

भय कोठवरी मृत्यूचे ? ना तत्त्व कळे जीवनाचे ।।

मित्रता धरी सत्त्वाची ।

तुकडया हरी - भजनी नाची I

आज्ञा गुरू आडकुजीची I

करि भजन हरीचे पाहे I वनितांची दृष्टि न साहे ॥३॥