( चालः जागरे लवकरी कुणी . . . ) 

सत्य हे उमगले, जाहली स्फुरणा ! 

सत्संगतीविण, ना  चुके   ही   यातना ।।धृ०॥ 

जन्म - मरण भोग सारे , वासनी भरले ! 

जोवरि न कळे , आत्म स्वरुप हे - 

तोवरि भरणे , सुख - दुःखादी भोगना ! ।।१।। 

सत्य ज्ञानची मार्ग दावी , शांतिचा निर्भ्रांत तो ! 

अनुभवाविण कोणी न सांगे - 

त्या अंतरीच्या, क्षराक्षराच्या   कल्पना !  ॥२॥ 

जागलो निद्रेतुनिया , अंध : कारा सारुनी । 

गुरु भक्तीने , अचुकची दिसले - 

तुकड्यादासा, ते मूळचेची   ब्रह्म   ना ? ।।३।। 

                        - गुरुकुंज आश्रम , दि . ०४ - ११ - १९५९