( चाल : कैद में है बुलबुल . . . ) 

कुणापासी सांगू जिवाची कहाणी ?   

तुम्ही संतजन मना , शांतवाना कोणी ? ।।धृ।।

क्षण येत नाही भक्ति मनामाजी , 

विषयासी धाव घेई बनोनिया पाजी । 

स्वानासमान हा भटके मनाजी , 

नाक - कान - डोळे याची करी हांजी हांजी ,

सांगा कोण देई साथ अपुला म्हणोनी ? 

करा करा दया कोणी , ऐका दीन  वाणी ! ॥१॥

पेटला संसार हा उफाळली ज्वाला , 

आवरेना काम - क्रोध दाखवू कुणाला ! 

लोभ दगा देऊनी फसवी देहाला , 

मत्सराने जीवनाचा घात सारा केला । 

कुणीकडे पहावे अंधारामधुनी । । 

तुकड्यादास लीन  सदा,    सतगुरुचरणी ॥२॥ 

              - घुडनखापा ( छिंदवाडा ) , दि . ०१ - ०९ - १९५९