सरले सगळे वय आता , जीवनाची तुटली गाथा । 

वाटे थोडे दिवस जीवाचे ! ॥ धृ० ॥ 

बाळपणीचा आठव होतो , खोडसाळ ते वय गेले ! 

उत्तम - वाईट सगळे घडले , मन हे शरमिन्दे झाले ! 

तारुण्याचे पाप भयंकर ,    वदवेना     काही     वाचे ! ॥ १ ॥ 

हरिनामाचा आळस होता , तोंड फुटेना भजनाला । 

नाच - तमाशा येता गावी , वाटे तो अमृत प्याला ! ! 

ऐशा अधमा मुक्ति कशाची ? व्यसनासाठी  मन   नाचे ॥ २ ॥ 

आठवते ते सगळे जेव्हा , जीव घाबरा हा होतो । 

कोणा जाऊ शरण अता मी ? कोण असा तो उध्दारतो ? 

तुकड्यादास म्हणे , गुरुदेवा ! दे तोडुनिया यम - फासे ! ॥ ३ ॥ 

                                - घुडनखापा , दि . २९ - ०९ - १९५९