( चाल : बनबनकी बनवासी रे . . . ) 

हरि ! हरि ! !  बोलत का बसला ? , काम करायासी रुसला । भोजन देइल कोण तुला ? ll धृ० ॥ 

आज जमाना नाही तसला , कष्टावाचुनी मान करी । 

कोणि पुसेना रिकामटवळ्या उभा जरी तू परद्वारी । । 

हे सांगणे नकोच आता , रुसला  किंवा  तू   हसला ! ॥ १ ॥ 

एके काळी जनसंख्येला , कृषी - धान्य होती पुरती । 

लाखोंनी वाढती मुले ही , कितीतरी नाती - पोती । । 

श्रमजीवी तर अतीच कमती , बेकारीचा गळ  बसला ॥ २ ॥ 

ऐकारे बाप हो ! दोन्हिही साधा , तर उध्दार असे । 

काम करा अन् हरि स्मरा , तर मग कोणी बोले कैसे । । 

तुकड्यादास म्हणे सांभाळा , वेळ बघोनी हा असला ॥ ३ ॥ 

                 - घुडनखापा , दि . २९ - ०९ - १९५९