( चालः आकळावा प्रेमभावे . . . ) 

संतती नच ही तुझी , हा देश - उन्नत दीप आहे । 

भावनेनी यास शिकवी , जो सदा    सुखरुप   राहे ॥ धृ० ॥ 

शिकवी विद्या गुण तयासी , हा सदा उद्योगी हो । 

आरोग्य सुंदर हो तया , ह्या दृष्टीने तू   त्यासि   पाहे ॥ १ ॥ 

शक्ति नष्ट न हो तुझी , अणि धर्मपत्नीची तुझ्या । 

योग्य रक्षण होई ऐसे ,  समजुनी    भोगासि   पाहे ।। २ ।। 

ना तरी श्वानापरी , बहु पुत्र होवूनि काय साधे । 

रोग - पीडित बुध्दिहिन जे , आळसी आज्ञा न साहे ॥ ३ ॥ 

खावयासी अन्न नाही , वस्त्र नाही ना घरे । 

कासयासी हा पसारा , समजुनी तरी    सांगना   हे ॥ ४ ॥ 

संयमी राहणी करी , अणि थोडकेची पुत्र हो । 

शूर हो अणि धीर हो , आजन्म ज्यांची कीर्ति   राहे ॥ ५ ॥ 

दास तुकड्या सांगतो , हा देश तुजवर शोभतो । 

म्हणुनि करी सुंदर गृहा , सौजन्य   तेथे  नांदता   हे ॥ ६ ॥ 

            - गुरुकुंजाश्रम , दि . ०१ - १० - १९५९