( चाल : क्यों नही देते हो दर्शन .. )

श्रीगुरुच्या हो ! कृपेने      सांगतो     ब्रह्मांड - रचना ॥ धृ॥

नव्हती पृथ्वी आप - अनळ I वायुही आकाश सकळ I

होते बीज ब्रह्म निर्मळ | पाहि    शोधुनि   आत्मज्ञाना ॥१॥

सप्तपाताळ ते नव्हते ।  स्वर्ग एकवीस भुवनही ते ।

ओह शब्दचि विसर्ग तेथे ।  मूळ माया  डाली   जाणा ॥२॥

पुरुष -प्रकृति ऐक्य झाले ।  त्रिगुण तेव्हा ते उपजले ।

रज-तम-सत्व नामे वहिले । ज्ञातिपुरुषा ! आण ध्याना ॥३॥

मूळमाया अति विशाळा । भाली डोळा तये वेळा ।

उधडिता ब्रह्मांडगोळा । भस्म करि की काय   कळेना ॥४॥

बोले माया क्रोधे करुन ।  संग द्या रे  !  त्वरित पूर्ण ।

न देती ते सत्त्व-रज-गुण । भस्म केले  त्या    द्वयांना ।।५ ।।

तम वदे तो देतो भोग  । नेत्र मागे तिसरा मग ।

नेत्र देता केला त्याग । आलि    माया     त्रिविधमाना ॥६॥

गुरु तो हंसरुपी केला । पुढे आरंभ पृथ्वीला ।

वेद      ध्वज      उभारीला ।      व्यवहार - स्थापना ।।७॥

रज तो ब्रह्मा सत्त्व विष्णू । तम तो रुद्र काय वर्णूं  ?

तुकड्या म्हणे गुरुदेव पूर्ण । आडकोजी पाजि पान्हा ॥८॥