( चाल : अगर है शौक मिलनेका .. )

घटी राहोनिया ईश्वर कशाला पळतो रानी रे !

पळूनिया रानोरानीही   चुकेना   जन्मखाणि    रे ! ॥ धृ 0॥

वसे नाभीस्थळी विष्णु पुसा सद्गुरुसि जावोनी I

कसे त्याला बघावे हे का भरता   बहूत    पाणी     रे ! ॥१॥

राहती संत बहू जगती कितीका याचि ना गणती ।

ते त्वंपद-तत्पदा बघती  विचारी   तूहि    आणी    रे  ! ॥२॥

कसा आला ? कुठे जातो ? काय करितो ? कुठे राहतो ?

करी न विचार   याचाही    मरे    मायीच    प्राणी    रे ।।३ ॥

ब्रह्मरंध्रात कोण वसे पाठ करिती अनायासे ।

अनुभव नेणता  कैसा   करी    उपदेश   कोणी     रे ? ॥४॥

खरे शोभा खरे शोधा भटकता का प्रपंचात ?

तो तुकड्यादास लिन झाला गुरुच्या खास चरणी रे ! ।।५ ॥